دي بقى قصيده كتبتها من فتره
قلت اجيبهالكم تقولو رايكم ولو اني عارف انكم هتهروني بيض ممشش
على ما تفرج
كنت في شبابي شعله متقده فكبو علي الميه
ارى مستقبلا زاهر فسودوها في عينيه
نص كلامي حكم و الباقي مهلبيه
حكايتي هي حكايه كل شاب حياته مهويه
اصحي الصبح انزل اطلع برضه هي هيه
مكاني الطبيعي فين ليه بس تحت البطانيه
نايم يا اما صاحي باكل لا اما في الحمام
عامل زي البروطه نص يومي بنام
و نص النص عاطل بتفرج على الافلام
و الربع قال بتكيف و عايش في الاوهام
اشرب و اتكيف و اقول كده بقى تمام التمام
غلطتهم دي ولا الغلط في
هم هم بتوع حيي العلم في الصبحيه
علمونا ايه نعمله بعد الكليه
لو كنت جاهل كنت كسبت
و لو بتفهم تبقى غرقت
انا بقول فكره
اشتغل شغل الجاهل بس معرفش
اصلي لسه جديد مافهمش
ضيعت عمري اتعلم في دش
و لسه الباقي هتعلم مفهمش
و الجاهل يعمل ايه لما اخد شغله
ينط علي بالليل و يسرقني من فقره
يا نهارل ابيض
كل دي مشاكل انا عملتها عشان فكرت؟
خليت ناس تسرق و لخبطت الدنيا خليتها خرمنت
ايوه هو انا ابترت
عالنعمه اللي انا فيها
صاحي نايم اكل شارب مقضيها
بقوللك ايه يابو حنف دماغك دي تفضيها
و تروق كده و تعقل عشان النعمه ماتزول
هلبس هدومي و انزل على طول
اروح للواد سيد الدلدول
اجيب منه المحلول
اعد مع العيال مهو حالهم من حالي
نعمل دماغ محترم و نغني لا لا لالي
لا حد يسرق ولا حد يتعب من افعالي
و بعد ما اشد و اتبسط اقول يكش تولع انا مالي
و خليها كده...........
قضيها كده........
على ما تفرج
...
ليست هناك تعليقات:
إرسال تعليق