يروى أن صياداً عاد إلى زوجته
وهو يحمل سمكة كبيرة
طالباً منها أن تقليها في الزيت
فاعتذرت له الزوجة لأنها لا تملك زيتاً
بسبب إرتفاع الشديد فى سعر الزيت
فطلب منها أن تشويها
فاعتذرت له بسبب إختفاء الردة
و أختفاء أنبوبة الغاز من الأسواق
فطلب منها أن تطبخها مع الصلصة
فلما علم أن سعر كيلو الطماطم
قد وصل إلى أرقام فلكية
أخذ السمكة وألقاها غاضباً في البحر مرة أخرى
وهنا هتفت السمكة وهي في الماء
تعيش مصر ذخرا لنا
تعيش ..تعيش.. تعيش
......................................................................................
محشش اتصل ببوش و قله: سيدي الرئيس جيت اقولك انه قررنا اعلان الحرب على امريكا !
رد بوش : ممكن أعرف مين انتوا ؟
المحشش:انا و شله أبو صطيف و أبو عبدو و أبو عمر و أبو لبن و كل الشباب بقهوة أبو نبيل يعني 8 رجال تقريبا !!
رد بوش بضحكة : بس بتعرف انه عندي مليونين جندي تحت امري ؟
المحشش : مليونين جندي ؟ دى معلومة جديدة بتحتاج مشاورات دقيقة مع الشباب سبني اتشاور معهم و هاتصل بيك
تاني يوم اتصل المحشش ببوش و قاله :بعد المشاورات غيرنا رأينا و قررنا ما نعلنش الحرب على امريكا !!
رد عليه بوش باستغراب : وإيه السبب الي خلاكم تغيروا رأيكم فجأة ؟
المحشش :مش هاخبي عليك.....بصراحة ...... ما عندناش مكان يكفي لمليونين أسير
......................................................................
مبارك ماشي في الصحرا شاف تمثال ، قال لحبيب العادلي شوفلي التمثال ده بتاع مين يا حبيب ، ربع ساعة رجعله حبيب العادلي و قاله : ده
رمسيس التاني يا فندم ، مبارك قاله : عرفت منين ، العادلي رد : اعترف يا فندم
............................................................................................................
بيقولوا مره شيخ اتمسك فى امن الدوله و سابوه
فامن الدوله مراقبينه . اول يوم لقوه ماشى فى شارع
الهرم راحوا مكلمين الريس و قالوله الشيخ تاب ياريس
تانى يوم لقوه فى كباريه قالوا الشيخ تاب و اناب ياريس
تالت يوم لقوه فى الاتوبيس بيسرق واحد قالوا الشيخ تاب
و اناب و بقى من الحزب الوطنى ياريس
............................................................................................................
صعيدي فتح محل جواهرجى عمل أول يوم ببلاش .
............................................................................................................
صعيدي سافر بره خمس سنين متواصلة لما رجع القاهرة لقاهم بيحتفلوا بسبوع أبنه
بقى ماشى فرحان أوى ويقول موجودين بنخلف مش موجودين برضه بنخلف .
............................................................................................................
جماعه صعايده سمعوا عن اختراع أسمه السيفون حبوا يعرفوا هو إيه بعتو واحد منهم أمريكا لما رجع قالهم أما السيفون ده حتة اختراع يا رجاله تدوس على السيفون
ويا تلحق تشرب يا متلحقش
............................................................................................................
صعيدي مفتاح عربيته ضاع ميكانيكي جه فتحاله بطفاشه تاني يوم عمل نسخه من
الطفاشه
............................................................................................................
صعيدي راح لدكتور بلدياته قاله يا دكتور كل أما أحط أيدي على عيني مشوفش
الدكتور خرمله أيده
............................................................................................................
صعيدي مات خبي على أهله
............................................................................................................
مجموعة صعايده ماتوا غرقانين في غواصة بعد التحقيق في الحادث اكتشفوا أن واحد
فيهم سمع خبط بره فتح يشوف مين
............................................................................................................
صعيدي عاوز يزور فلوس جاب ورقه بعشرين جنيه وزورها بالضبط بس غلط وكتب بدل الـ
20 (18) وراح يفكها من القاهرة راح لأول واحد قاله عايز أفك الورقة دى الراجل
قاله الله يخرب بيتك زورتها إزاى وخد الورقة ومشى وأستغرب أوى إن الراجل عرف
دى مزورة منين وقال أنا هرجع البلد أفكها من هريدى ولد عمى راح لهريدى قال
>لهريدى ونبي ياهريدى فك لي الورقة دى هريدى قاله والله مفيش جنيهات تاخد
ورجتين بتسعه
............................................................................................................
مسطول ركب العربية بتاعته ملقاش الدركسيون ولا التابلوه ولا الفتيس راح عمل
بلاغ في القسم إن العربية أتسرقت بعد شويه أتصل بالقسم قالهم....
ألغوا البلاغ أصل .... أنا كنت راكب ورا
ليست هناك تعليقات:
إرسال تعليق